عاصي جاب صنيه اكل وراح لبدور
عاصي : ( بابتسامه خفيفه ) تأخرت عليكي
بدور 🙁 ودموعها نازله منها) انا .. انا بحاول اتحرك بس مش عارفه جسمي حاسه انه كله مشلول حرفيا.
عاصي : ماتقلقيش انا جيبتلك دكتور وقال انك عندك هبوط حاد في الدوره الدمويه مش اكتر
ولازم ترتاحي بمجرد ماتاكلي وتاخدي الدوا وترتاحي راحه كامله وقتها هتبقي كويسه اوي تقدرى تقومي ولا اقومك
بدور : لاء مش قادره
عاصي قعد علي السرير جنب بدور وقرب منها ورفعها من ايديها وقعدها نص قاعده علي السرير وحط مخده ورا ضهرها
عاصي : ( وهو بيبص في عنيها بحنيه ) هااا .. قوليلي كده مرتاحه
بدور : ( هزت راسها من فوق لتحت وهي برضوا خايفه منه ) أيوه مرتاحه
عاصي : طيب يلا بقي عشان تاكلي
بدور : انا مش قادره احرك ايدي
عاصي : ومين قالك اني عايزك تحركي ايدك انا هأكلك
بدور : انت بتعمل كده ليه ؟ وعايز مني ايه ؟ قولي يابيه عشان انا مش واخده علي ان حد يعاملني بحنيه اوي كده
ده انت من كام ساعه بس كنت عايز تقتلني ايه اللي حصل وايه اللي غيرك كده