غالب : كفايه ليه .. احنا جايين عشان نشرب وننسي
ثائر : ( شاور لغالب انه يبص وراه ) طيب بص وراك كده .. ( غالب بص لقاه بدور واقفه بعيد مع سجده ومش واخده بالها خالص من غالب )
ثائر : واذا كنت اللي بتحاول تشرب عشان تنساهم مش عايزين ينسوك
غالب : ايه اللي جابها هنا
ثائر : دي حاجه بقي انت اللي تسألهالها مش حابب اهي بدور معانا واعتبر نفسك انك ماشوفتهاش
ثائر ساب غالب ومشي راح لسجده ومسك ايد سجده ووطي باس ايديها وهو بيتمايل علي اغاني ال D.G وسجده مسكت ايده ودخلوا يرقصوا سوا مسكها من وسطها وقربها لي .. وبقي يخليها تلف وسجده كانت بتضحك مع ثائر ومبسوطه اوي
بدور كانت بتبص عليهم وهي مبسوطه اوي بحبهم اتنهدت وغمضت عنيها وابتسمت
بقلمي ماهي احمد
غالب كان بيبص عليها من بعيد وهو علي البار وبيراقب حركاتها ونظرتها لسجده وثائر مره واحده بتبص لاقت واحد مسكها من ايدها وعايز يرقص معاها
بدور : اسفه مابعرفش
بدور حاولت تشيل ايديها منه قربها لي اكتر
الشاب : هعلمك
بدور : مش عايزه .. سيبني .. سيب ايدي
مره واحده غالب اول ما شاف كده مسك الازازه اللي كانت علي البار كسرها علي البار وراح للولد ده ونزل ايده من علي بدور وحط الازازه المكسوره علي رقبته
غاالب: ( بغضب ) هي مش قالتلك مش عايزه ..
هااااا ..