جد غالب : ( اتنهد وداس علي سنانه ) انت تاني ياغالب يابني احنا مش قد عاصي
غالب : انا اللي مصبرني علي العيشه دي ياجدي هو انت .. انت مش اكتر
ياريتك تسمع كلامي وتسيب القصر ده ونبعد عنه خالص
الجد : ماقدرش يابني ماقدرش
الجد جاب تعبان هو مربيه مش سام بس القرصه منه بتدوخ وبتعمل هيستريا وسخونيه شديده ودخله من تحت عقب الباب لغالب ولان الاوضه فيها نور ضعيف جدا غالب مكانش شايف جده وهو بيدخل التعبان من تحت عقب
الباب
بقلمي ماهي احمد
التعبان بقي بيمشي في الاوضه وغالب حس بحركه في الارض وحاجه بتزحف علي الارض
غالب : ( بخوف ونهجه في قلبه من كتر الخوف ) افتح النور ياجدي افتح نور الاوضه بسرعه انا عايز نور بسرعه
بقلمي ماهي احمد
الجد : ( بمكر ) مالك ياغالب يابني فيك ايه ؟
غالب : مش عارف ياجدي مش عارف في حاجه بتتحرك جوه الاوضه
غالب بقي يخبط علي الباب اكتر واكتر بكل عزمه .. افتح الباب … بقولك افتح الباااااااااااااب
الجد : ( وهو ماسك المفتاح في ايديه ) مش معايا المفتاح يابني ما انت عارف