رفيق : مش انت اللي تقرر اذا كنا لسه صحاب ولا لاء
عاصي : ( قام وضرب علي المكتب بأيديه بعصبيه ) يعني ايه .. يعني هنفضل صحاب غصب عني
رفيق : (قام وصوته بقي عالي ) ايوه هنفضل صحاب وهقف جنبك لحد ما اللي انت فيه ده يعدي زي ما كنت
بتعمل معايا زمان لما كنت ابقي مكتئب وحزين وامشي في الغلط وكلهم يسيبوني الا انت ياعاصي فاكر .. فاكر لما كنت بتقعد معايا بالايام بس عشان مابقاش لوحدي .. جه عليا الدور اللي اقف فيه جنبك
عاصي : ( مسك كوبايه المايه اللي قدامه وشربها علي بوق وبقي يوقع المايه من بوقه علي قميصه وماسك
الكوبايه في ايديه )
عاصي : وانا مالي فيا ايه ؟؟ ما انا زي الفل اهوه ؟ ( داس علي سنانه بحقد ) كل اللي فيها اني مابقيتش اهتم بحد الا بنفسي وبمزاجي وبس ..( شاور بأيديه ) كفايه بقي اهتمام بغيري
عاصي كان بيتكلم ( ووش فيروزه جه في باله وفي خياله وهي بتخونه راح ضاغط علي الكوبايه الازاز اللي في ايده من كتر عصبيته اتكسرت ما بين ايديه .. ايديه كلها جابت دم والازاز دخل فيها وعاصي مش حاسس وسرحان )
بقلمي ماهي احمد