عاصي : (جه يمشي وقف مره تانيه ) اه كنت هنسي ماتبقاش تنسى تمثل دور الراجل الغلبان المشلول قدامه عشان يفضل قاعد معاك وتحت طوعك
الاب : انت بتتريق ..
close
عاصي : من غير تريقه انت حر في نفسك
الاب : لو مكنتش عملت كده مكانش هيبقي معايا لحد دلوقتي كان زمانه سابنا من زمان اللي مقعد غالب معانا بعد موت اخوك الله يرحمه هو انا .. انا مش اكتر
عاصي : ( ببرود ) ما يغور ولا يروح في ستين داهيه هو حر
الاب : ولما يطالب بحق ابوه في الشركه والشركه تتقسم هتبقي مرتاح ياعاصي
عاصي: ( بتوتر ) انا .. انا لازم امشي
الاب : دلوقتي لازم تمشي طبعا .. امشي وزي ماعلمتك دايما الضحكه الحلوه في وش كل الموظفين من اكبرهم لاصغرهم
عاصي : قصدك اركب الوش التاني في وش الموظفين من اكبرهم لاصغرهم