غالب شاف عربيه البوكس بتتحرك ركب مكان عاصي بسرعه وساق العربيه وراح لعاصي .. عاصي فتح باب العربيه وركب بسرعه جنب غالب
عاصي : خليك ماشي ورا البوكس بسرعه ياغالب
غالب بقي ماشي ورا البوكس عشان يشوفهم رايحين قسم ايه
بدور بقت تحاول تشوفهم وهي في البوكس لاقيتهم ماشيين وراها بالعربيه
تغريد : ايه بتبصي علي ايه ؟
بدور : أيه .. لا لا ابدا ولا حاجه
سهام : اومال مالك مش علي بعضك ليه يعني هى اول مره نركب عربيه البوكس ولا خلاص العيشه مع الاكابر نسيتك عيشتنا
بدور: ( بزهق ) ماطلعيني من دماغك بقي
غالب : ( وهو ماشي ورا بدور بالعربيه ) ياترى عملت ايه ؟
احسان : اكيد تحري أو .. أو
عاصي : او ايه ..
احسان : يعني .. اقصد .. انت عارف اللي حصل في الايام اللي فاتت دي
عاصي : تقصدي انهم عرفوا اللي حصل في المصنع
احسان : ممكن ليه لاء انتوا ناسيين ان هاله كانت حاطه كاميرات في كل حته
غالب : وماقبضووش علينا احنا كمان ليه ؟
عاصي : الكاميرات كلها اتفرغت في وقتها .. والفيديوهات اللي فيها بتثبت برائتنا مش ادانتنا