بدور : ( شاورت براسها فوق لتحت بمعني انها موافقه ) بدور ركبت العربيه مع غالب عبد الرحيم بقي بيسوق وغالب قاعد جنبه وبدور وراه
الصمت كان في العربيه رهيب وغالب كان بيبص لبدور من المرايا وشايف الدموع نازله منها من غير حتي ما تعيط
بيبص تحت لقى الدم علي رجلها نزل اكتر الجرح ما بيقفش
غالب : عبد الرحيم وقف العربيه
عبد الرحيم : في حاجه ياغالب بيه
غالب ‘ ( بزعيق ) بقولك وقف العربيه
عبد الرحيم داس علي الفرامل مره واحده لدرجه ان بدور راسها خبطت في الكرسي اللي قدامها غالب نزل بسرعه
وبقي يفك زراير قميصه وقلع القميص بتاعه وقطعه نصين وبقي يربط رجل بدور
غالب : هاتي رجلك يابدور
بدور : _______________
غالب مد ايده ورفع رجل بدور وبقي يربطلها الجرح
غالب : انا هحاول اوقف الدم اللي بينزل ده لحد ما نروح المستشفي
غالب : اطلع علي المستشفي ياعبد الرحيم
عبد الرحيم : تحت امرك ياغالب بيه
عبد الرحيم طلع علي المستشفي واول ما وصلوا غالب نزل بسرعه ونزل بدور من العربيه
غالب : هتقدرى تمشي