الدكتوره : غالب جايبلي شقه تمليك الشقه اللي لازقه جنب شقه عاصي واول ما البواب بيشوف عاصي طالع بيكلمني علي طول بدخل اربط نفسي بالحبل واقعد علي الكرسي انا كنت بقالي ٣ ايام مستنياه من ساعه ما غالب ضربوا بالنار بس المره دي مكنتش عرفاله مواعيد نزلت اجيب حاجه من بره بسرعه وجيت لاقيته من حظي الهباب جه هنا
عاصي: انا هوريكم ياشويه كلاب انا يتعمل فيا كل ده
غاصي راح الفيلا بس المره دي شافها فعلا دي فيلا اخوه القديمه وغالب كان مفهمه انها الفيلا بتاعته
والفيلا دي محروقه والشجر مرمي في الارض ومدمره حرفيا
عاصي بقي يبص كده ومبقاش مصدق اللي بيحصل معقول ده كان شايفها القصر بتاعه
فضل يدور علي باباه وينادي عليه
عاصي : باباااااااا .. باااااااباااااااا
بدور بقت تمشي وسط الشجر هي والدكتوره يدوروا عليه
عاصي دخل جوه الفيلا لقاها عن خرابه والفيران بتمشي وبتجرى فيها قدامه فعلا
مافيهاش غير مطبخ بس هو اللي كويس واوضه المكتب بتاعته
طلع بره وهو لسه بيدور علي والده
بدور جت وراه وهي بتجرى
بدور : عاصي انا لاقيت والدك
عاصي : بجد فين
عاصي جه يمشي الجرح اللي في ضهره وجعه جدا راحت بدور بقت تسنده وحطت ايده علي كتفها وراحوا وقفوا