غالب روح البيت واستني لما عاصي نام وبقي يتسحب لحد ما اخد المفاتيح من عاصي وطبعها عشان يطلع عليها
واتاكد ان عاصي في الشركه وراح الشقه مره تانيه
وفتح الباب لقي الدكتوره متربطه من ايديها ورجليها وفي شاش علي بوقها
غالب : ( شال القماش من علي بوق الدكتوره ) انتي بتعملي ايه هنا
الدكتوره : الحقني ارجوك عاصي خاطفني هنا ابوس ايدك خرجني من هنا
غالب : هخرجك بس مش ببلاش 😈😈
الدكتوره : هعمل اللي انت عايزه بس خرجني من هنا
————————- ———————
عاصي : وبعدين حصل ايه
الدكتوره : خرجني واتفق معايا اني امثل عليك اني اني لسه مخطوفه علشان تحكيلي كل حاجه واروح اقوله علي كل حاجه بتحصل معاك وهيديني اللي انا عايزاه وكمان .. كمان
عاصي : وكمان ايه ماتنطقي
الدكتوره : اقنعك باللي هو عايزه ..
عاصي : اللي هو عايزه يعني اي انا مش فاهم .. ( بلع ريقه والوجع ابتدي يشتد عليه ) هو عايز ايه
الدكتوره : اي صفقه لما كانت بتحصل معاك كنت بتيجي تحكيلي تفاصيلها وهتعمل ايه فيها وكان بيدخل هو فيها
ويخليك تخسر كل شىء معاك بس انت كانت شوكتك ناشفه اوي عليه رغم انه كان بيكون معاه كل التفاصيل الا انك برضوا بتقف علي رجليك ومابتخسرش ابدا لحد ما قرر انه .. انه يجننك
عاصي : يجنني 🙂🙂