وهيبه…وبعدين يا يمان ياترى فين ابوك عدا ٣ايام وهو لسه مجاش
يمان…انا سألت كل صحابه عليه ملقتهوش وعرفت انه في بيت تيته وجدو الله يرحمهم
وهيبه…يلا خلي هناك ميرجعش احسن اصله خايف من ساعة ما عرف انها اتجوزت رعد
close
يمان…متوجعيش دماغك ياماما بيه
༺༺༺༺༺༻༻༻༻༻
عند موج…
نزلت تحت وراحت بيت النمر…
موج…عم منعم ممكن تفتحلي البيت
منعم بقلق…بس يابنتي رعد بيه يضايق
موج بعناد…بس انا عاوزه البيت يتفتح ياعم منعم
فتحلها البيت وهي دخلت لبرق..
موج…برق برررق
برق خرجلها وفضل يتمسح فيها…
موج خدته وخرجت وراحت الجنينه وعم منعم رجع يقف برا…
شالت طرحتها وفكت شعرها وسابته للهوا…
فضل برق يجري وراها في الجنينه وهي تضحك وبعدين وقعت وهو نام جنبها…
موج بضحك…مين يصدق اني هتعامل مع نمر وانا بخاف من الكلب
برق مسح راسه في دراعها…