بعد دقائق من الحديث قبلت والدة ونس بالطعام الذى أحضره و قالت ببسمة : ربنا يزيدك ياحبيبى و يبارك فيك
أحتضنت عائشة ونس و قالت : خلى بالك من نفسك و بكرة هاجى تانى
بادلتها ونس العناق و قالت : ربنا يباركلى فيكٍ يا عائش شكرًا إنك معايا
رحل كلاً من عائشة و زيد و بقيت ونس و والدتها و أختها
و بعد صمت دام مدة قالت رقية : هو مين زياد ده ؟
و يعرفك منين ؟
_ اقفلى على الموضوع ده يا رقية و بطلى تفتحيه
قالت رقية بغضب : والله ما تشوفى بنتك دِ مش يمكن كانت مرتبطة بيه يبقى فضحانا بقلة أدبها و بشكلها المقرف
وقفت ونس أمامها و وضعت إصبعها أمام وجهها وهى تقول لها محذرة : لو فاكرة نفسك هتتمادى فى الموضوع و هسكتلك زى زمان
تبقى غلطانة علشان ونس بتاعت زمان مش هى ونس بتاعت دلوقتى فخلينى ساكتة علشان مش هتغاضى عن أى غلط ليكِ تانى
أبتسمت رقية بسخرية و قالت وهى تبعد إصبع ونس : يااه و هتعملى اى بقى فاكرة إن كده بقى عندك شخصية أنتِ طول عمرك هتفضلى زى ما أنتِ ونس الفيلة اللى هتفضل جيبالنا المشاكل
كان صوت صفعة قد دوى فى الغرفة دويًا نظرت رقية لمصدر الصفعة فوجدتها من والدتها التى قالت بغضب : أحترمى نفسك و أنتِ بتكلمى أختك الكبيرة ده انا شكلى معرفتش اربى فعلا
قالت رقية بغضب و دموع وهى تصفق : برافو يا ماما برافو كده أثبتى لونس أنك بتحبيها مش هى دى ونس اللى جيبالك المشاكل مش