وعد بلعت رقها بخوف : كرباج؟!!!
كملت مشي بخوف…لقت باب….فتحت الباب برعب….
الباب كان تقيل جدآ وبيعمل صوت صفاره…يعنى بيزيئ كده…
لقت جواه حمام صغير جدآ يكفي فرد بصعوبه…
وعد بلعت رقها بخوف…. وبتلف لقت فار واقف قدامها….. وعيونه منوره في الضلمه…
وعد صرخت جامد…. والولاعه وقعت منها…وجريت جهة الباب وبتخبط جامد بصريخ وعياط…
……………………..
عاصم دخل فيلة الزعيم…. وأتجه للجنينه… وسلم عليهم….
عاصم بص لقاسم : ألف سلامه….مين علم عليك…
وشاور بعنيه على راسه…..
قاسم بصله
عاصم أتوتر من نظراته : أقصد…
قاسم قاطعه ببرود : حادثه بسيطه….
عاصم هز راسه وأعد….
الزعيم : في شحنة هروين هتنزل مصر خلال كام يوم….. الشحنه دي كبيره ومبتهزرش…..
الزعيم بص لقاسم : انت ياقاسم هتكون المسؤول عن سلامة الشحنه…. وهتستلم الشحنه كامله مش مجزئه زي كل مره….. وحازم وعاصم معاك…
قاسم ببرود : أعتبر الشحنه موجوده….
عاصم بضيق : انا او حازم نقدر نستلم الشحنه عادي….