وائل هز راسه بأبتسامه خبيثه : شاطر….مع السلامه ياحازم…وأبقا سلملي على قاسم….
وائل الحديدي ركب عربيته…نزل شباك عربيته وبص لحازم : سمرا بنت أبوها بصحيح….قدرت تاخد كل المعلومات منك…ومن غير ما تحس….عشان تعرف أن حتت بت خسرتك الشحنه…
وائل ضحك بسخريه ومشي….
….ورجالته خدت شنط الفلوس ومشيو….
عاصم راح لحازم بصدمه : كلامه صح؟!….بنته هى اللي وقعتك….
عاصم بزعيق : حتت بت توقعك يا حازم…وفي الاخر بنقول قاسم بينجح لي في مهماته…عشان مش بيثق في حد خالص….حتى انا وانت…مبيعرفناش هو بيفكر في أي….وانت حتت بت توقعك…
حازم باصص قدامه بضيق…وفي نفسه : طيب ياسمرا…أنتى شوفتي الحلو منى…قابلي بقا الوحش
عاصم بأنفعال لسه هيضرب حازم بلبونيه…
حازم مسك أيده قبل ماتوصل لوشه….وزق عاصم بعيد عنه : الشحنه معانا يا غبي…متقلقش…أحنا مخسرناش أي حاجه….
عاصم بستغراب : ده أزاي ده…..رجالة وائل وخدين شنط الفلوس قدام عيوني…
حازم أبتسم بجانبيه : دي مزوره ياجدع…
عاصم بستغراب : انا مش فاهم حاجه…