هدير دموعها نزلو..وحطت أديها على بؤها بحزن وزعل..على حالة وعد…
كامل قوم وعد بعنف… وضربها بلقلم…
بس قبل ما القلم ينزل على خد وعد… كان قاسم ماسك أيده كامل… وضغط عليها بعنف…
كامل بص لقاسم…ووشه أحمر من الالم…
قاسم بجمود : انا بعدت..وسبتلكم مساحه تتأكدو من القسيمه….لاكن أنك تمد أيدك على مراتي….انا مش هسمح بده…
قاسم ضغط على أيد كامل أكتر…
كامل بيشد أيده من أيد قاسم بألم : اااااه….
أدهم قرب من قاسم ولسه هيضربه بلبونيه…
قاسم مسك أيد أدهم..ولواها ورا ضهره..وضغط عليها جامد…
الظباط صحاب أدهم..أتلمو حولين قاسم ورفعو مسدستهم عليه
وعد بصت لقاسم بترجي وعياط : لاء ياقاسم أرجوك…سبهم في حالهم ياقاسم….أبوس أيدك…
وعد بعدت أدهم عن قاسم…ووقفت قدام أدهم وضهرها لقاسم…..