وعد بعدت عن جدتها بتوتر…وبصت لخالها كامل…معقول كان عايز يخطفها زي ما قاسم قال…
ده كان تفكير وعد..
وعد بتوتر : انا…انا شوفتك أمبارح في المستشفي…بتعيطي جامد…خوفت عليكي..و…وقولت أنزل أجبلك عصير…..نزلت وجبتلك عصير…وانا راجعه تاني للمستشفي…توهت…ومبقتش عارفه أرجع أزاي…و….ورحت نمت عند صاحبتي هدير …صحيت وجيت على هنا…
الجده حضنت وعد بدموع : قلقت عليكي جامد…انا مقدرش أعيش من غيرك ياحببتي…
كامل باصص لوعد بضيق….هو عارف أنها كدابه….رجالته خطفوها وهى قريبه من شركة المنياوي….بس ميقدرش يكدبها…عشان ميدخلش في س و ج من الجده..
أدهم بضيق : ومقولتليش لي ياجدتي أمبارح ان وعد مختفيه…كنت هتصرف..
الجده : خوفت عليك…قولت مش هقولك حاجه لغايط بكره…لو كانت مجتش كنت هقولك أكيد…
وعد بصت لأدهم : حمدلله على السلامه يا أدهم…
أدهم أبتسم : الله يسلمك…