زاد …طيب وهنعمل ايه مع نهلة طالما بريئة ،والأدلة كلها ضدها .
زهيرة …مش خابرة ، بس لزمن نشيع لها محامى يشوف اى طريقة من غير ما يجول الحقيقة عشان سمعتنا بردك بين الخلق .
………………
فى مكان آخر
تحدث إثنين من الرجال مع بعضهما البعض على حافة مصرف .
منسى ….يلا ايوه أهنه عنجعد يا واد يا همام ، بس أدعى نعرف نصطاد من المصرف ده شوية سمك نرچع بيهم للولية التى هتتمسخر
بيه كل ما أجولها عايز أصطاد تجوم تجولى ..جتك نيلة يا راجل ، جال تصطاد جال .
ده انا عمرى ما شوفتك چبتلى حتة سمكة واحدة توحد ربنا ، وعتروح تضييع وقتك بس .
منسى ….لا بإذن الله ، سمى الله بس وأضرب السنارة وعتطلع معاك سمكة كبيرة كمان وعتجول منسى جال .
فسم الله همام وألقى السنارة ، فشعر بثقل .
ففرح مردفا …والله عندك حق يا واد يا منسى .
بركاتك يا ولا ، شكلها سمكة كبيرة جوى جوى .
منسى …مش بجولك ، طيب شد يلا وفرحنا .
همام …مش جادر ، مش خابر تجيلة ليه أكده وكأنها سمكة جرش .