الأعشاب التى يظن أنها ذلك السم المميت .
قدم العسكرى تلك العلبة الى المقدم محمود ، وطالعتهم نهلة بدهشة ، وتعجبت متسائلة ..من وين چت العلبة دى ؟
ثم وضعت يدها على رأسها فى إنكسار وخوف مردفة بإنهيار …شكلك ضعتى يا نهلة ولى كان كان .
يارتنى ما چيت الجصر ده ولا شوفته ، وأدينى ضعت كيف ما ضاعت ناهد .
بس ناهد ارتاحت بالموت ، وانا شكلى هتمنى الموت ومش علاجيه .
طالعها محمود بغضب مردفا …تقدرى تقوليلى ايه ده ؟
وبتعمل ايه العلبة دى فى دولابك ؟
حركت نهلة رأسها بنفى مردفة …والله ما أعرف يا بيه ، دى أول مرة أشوفها ولا اعرف چت منين ؟
محمود بتهديد …على فكرة الإنكار مش هيفيدك ، فالأفضل تقولى الحقيقة .
بكت نهلة مردفة بنحيب . …والله ما أعرف يا بيه ، دى اكيد حد منهم حطها عندى عشان هما عيكرهونى من ساعة ما أتچوزت أبوهم .
فانفعلت بانة وكادت أن تفتك بها لولا أن أمسكت بها زاد ثم أردفت …يعنى احنا اللى عايزين نموت ابونا يا حزينة أنتِ .