ثم غمزها مردفا …أنتِ شكلك واجعة جوى .
بس انا معنديش مانع يكون الحلم حقيقة وأنفذلك رغبتك .
فغلت الدماء فى عروق زاد وأمسكت بالوسادة وضربته على رأسه مردفة بغضب ….حبك برص وعشرة خرص .
جوم انت يلا فز من چمبى ونام على الچمب اللى يريحك .
فغمزها براء مرة أخرى ، مردفا…أديكى جولتيها بلسانك اهو …نام على الچمب اللى يريحك .
وصوح چمبى الشمال ده مكنش مريحنى ، ثم أعطاها ظهره مردفا لكن چنبى اليمين عيريحنى اكتر وخصوصا انى كمان مش شايفك
وانتِ عتزربنى شبه متولى .
ثم كتم ضحكته وهو يتخيل تعبيرات وجهها بعد تلك الكلمات .
ولكن زاد لم تغضب بل ابتسمت لوجوده بجانبها حتى إن أدار وجهه عنها .
فيكفى أنها قريبة منه ثم تمتمت بالدعاء …ويارب يجى اليوم اللى اكون فيه قريبة من جلبك ، لا چوه جلبك ومفيش حد غيرى يشاركنى فيك .
…………..
طلب حمدان مقابلة حمدى ، لمناقشة عملياتهم الخارجة عن القانون ، من نهب الآثار وبيع المواد المخدرة .
حمدان بهمس …التمثال إياه فى القبو بجاله كتير جوى ، والچماعة كل شوية يسئلوا ميتى التسليم .
فعايزين نخلص بجا من الموضوع ده ، عشان بعديها نشوف هنصرف كيف فى الحچات اللى فى المعمل ، عشان نبدء نعمل جديد .