ايه چابك ؟ يكونش منصور خلاص مات ؟
فضيق جابر عينيه متسائلا بشك …ومالك يا بوى فرحان أكده وانت بتجولها وكأنك مستنيها ؟
ليه طيب كده يا بوى ، ده مش واد عمك وصاحبك سنين .
close
ولا خلاص عشان وقع ويمكن ميجومش منيها.
والمفروض ده يخليك تخاف مش تفرح ، عشان تعتبر وتعرف أن لكل شىء نهاية ولكل ظالم يوم وان مفيش حاچة بتدوم الا لصاحب
الحق والملكوت.
توتر حمدان بقوله …ايه الحديت الماسخ ده !
انت عملت ليه فيلم إكده ، وجال فرحان جال .
انا بس بسئل عشان چيتك وانت عريس وسايب مرتك وخصوصا كمان فى الظروف دى .
مفروض تكون چمبيها وتواسيها ومتسبهاش .
وكمان تحاول تكون راچل مع براء وباسم عشان يعتبروك أخو تالت ليهم وتكون كلمتك مسموعة بناتهم .
فضحك جابر ساخرا بغصة مريرة …مش لما تبجا ليه الأول مكانة عند مرتى ،تبجا ليا مكانة عند أخوتها.
فطالعه حمدان بإندهاش مردفا…كيف ده ؟