باسم ..براحة عليها، يا ايهاب .
ايهاب …متخفش يا باسم ، دى حقنة عادية جدا عشان نعرف نسيطر عليها .
وفى المستشفى هنعرف نتعامل معاه ، وهكلمك بعد الكشف وهقولك ايه بالظبط حالتها .
باسم …لا انا جى معاكوا .
ايهاب …صدقنى مش هينفع الموضوع مش ساعة زمن ، لا الموضوع طويل وهياخد وقت وكشف وتحاليل عشان اعرف هى فيها ايه بالظبط .
ومتخفش هى بأمان معايا .
بس اكيد هتحتاج مبلغ تحت الحساب عشان تكون فى غرفة خاصة لوحدينا ومتخلطش بأى حد .
باسم …طبعا طبعا .
انا اكيد هاجى وادفع كل المطلوب ، بس أطمن عليها .
………..
لم تكف نهلة عن بكاؤها ، ومحمود يطالعها من بعيد ، وقلبه يكاد ينفطر عليها ولم يجد مفر سوى الذهاب إليه قاسما أن لا يتركها حتى
تقص له تلك المرة الحقيقة .
فذهب إليها بخطوات واثقة وقلب ينبض بالحب .
ثم وقف أمامها يطالعها بحب ، وانحنى أمامها هامسا …وبعدين معاكى ، انا فعلا مبقتش قادر اتحمل دموعك دى .