لكن مكنش حب ، ده كان إعجاب ورغبة مش حب حقيقى .
لكن الحب والأمان والراحة اللى فعلا عدت حتة الجمال دى ، لقتهم فى زاد ،.
ومش بس دلوقتى اللى حسيت بحبها .
انا فعلا حبتها من زمان جوى ، من واحنا لسه عيال صغيرين بس مكنتش مدرك ده .
حبتها لما كنت بخاف عليها من اى حد يضايقها ، لما كنت بفضلها على نفسى فى اى حاجة بحبها .
حبتها لما كنت حاسس انى مسئول عنها وأنها حتة منى .
وغيرت جدا لما لقيت صلاح بيكلم عنها ويوصف أنها جميلة الروح ومفيش زيها .
وانا كنت غبى ساعتها وقال ايه كنت عايز اخطبهاله .
وكنت هموت لما فكرت أنها عايزاه بعد ما اتجوزنا .
ايوه بحبها وبغير عليها فعلا .
بس اعمل ايه دلوك ؟
اثبتلها ازاى انى بحبها هى مش قمر ؟
وقمر اعمل ايه معاها ؟ دلوك هى مرتى وخايف أظلمها لإنى اتجوزتها فى السر .
مجدرش أسيبها فى الظروف دى ،كده اكون خاين وانا محبش ابدا اكون خاين .
فجلس براء ووضع يده على رأسه التى ألمته من كثرة التفكير .
متسائل…اعمل ايه ؟
……..