فلمعت عين جابر بالدموع مرددا ….اللهم انى مغلوب فانتصر .
ثم خرج جابر مع العسكرى ، فوجد أبيه وبراء.
وقف حمدان مردفا بلهفة …ولدى .
ثم أسرع إليه يحتضنه باكيا بقوله …جلبى معاك يا ولدى وان شاء الله شدة وتزول وربنا يسامح اللى كان السبب ، بس انا مش عسيبك واصل وهشد لك أحسن محامى فيكى يا مصر .
ابتعد عنه جابر وطالعه بإنكسار …شوفى يا بوى ،ظلمتنى فى حياتها وبعد ما ماتت كمان ، وبرده مش عجول غير ربنا يسامحها .
فتنهد حمدان بغصة مريرة مردفا …سامحنى انا يا ولدى ، انا السبب فى كل ده ،بس أوعدك مش عسيبك واصل .
براء …متقلقش فعلا يا جابر ، وبإذن الله هاخد تصريح خروج بكفالة على ذمة القضية ، عقبال فعلا ما نحاول نثبت برائتك .
جابر بإنكسار…المهم دلوك بانة ، خلى بالك منيها يا براء .
براء …متقلقش ، وخلى بالك انت من نفسك .
لينطلق به العسكرى إلى زنزانة الحجز المؤقت .
أما براء فولج لمقابلة وكيل النيابة ، ليسمح له بالخروج بكفالة .
وكيل النيابة…انت عارف القانون كويس يا سيادة المقدم ، أن الخروج بكفالة مينفعش ابدا فى جرايم القتل .
براء …عارف بس يعنى نحاول وخصوصا انى متأكد أنه برىء .
أما حمدان فعاد إلى بيته حزينا على جابر ، بعد أن اتهم بفعلته هو ، فكيف سيتركه يتحمل ذنب لم يرتكبه.
حمدان بحزن ….كيف بس يا ولدى تروح فيها وانا السبب ، بس اعمل ايه ، انا لو اتكلمت ههد كل حاچة فوق دماغى ، وكل اللى عملته