طمأنتها “جاسمين” بحديثها حين قالت:-
-متجلجيش يا هيام، أدهم متفهم اللى حصل هو بس حابب يكون وياكي فى الوجت دا ويشاركك حزنك
صمتت “هيام” قليل وتنظر لأصابع يدها التى تفركهما معًا والسماعات فى أذنيها تسمع تنهيدات “جاسمين” فقالت بتردد:-
-مجدرش أتكلم وياه دلوجت يا جاسمين، مازن عصبي جوي ولو عرف أني بكلمه فى التليفون ممكن ينشف رأسه
وميوافجش وانا عمري ما خنت ثجة أهلي فيا، قبل كدة كان بيتجحح أنه بيساعدني فى دراستي بما أنه داكتورى لكن دلوجت بعد ما الإمتحانات خلصت هيتحجج بأيه تجدري تجوليلي…
أومأت “جاسمين” بيأس شديد من محاولة إقناع صديقتها وهى الوسيط بينهما لتقول بعفوية:-
-فهمتك، وأنا مهجبركيش تتحد وياه لأني من صاحبة سيئة عشان أجولك خوني ثجة أهلك فيكي وأنا خابرة زين
تربيتك وكيف ممكن يكون عجابهم ليك، ربنا يكتبلك الخير يا هيام وأنا معنديش مانع أفضل الوسيط بينكم لحد ما يحصل حاجة رسمي يا ستى بس تجيبلي الأكل اللى بحبه
تبسمت “هيام” بسعادة على تفهم صديقة طفولتها ودعمها لها ثم قالت بحماس شديد وفرح تغمر قلبها:-
-موافجة طبعًا كل اللى تطلبيه