نظرت له بأندهاش شديد من طلبه وقالت:-
-فل وحش تشوفنى به يا مازن جبل الفرح
تبسم بسخرية من حالهم ثم قال:-
-هيجرالنا أيه تاني، إحنا جرالنا كل حاجة يا فريدة وما شاء الله وصلنا لمرحلة الجواز التاني، أنتِ جافش وياكي الفرح أوعي
لم تفهم كلمته فقال:-
-أنا حاسس أننا محسدون ومهنعملش فرح ..العمر كله إلا لما نشيب، أنا بجول أكفاية أكدة علينا وبلا فرح
أومأت إليه بنعم….
________________________________
كانت “هيام” تختبي فى فراشها وتتحدث فى الهاتف مع “جاسمين” فقالت بقلق شديد:-
-ماما مُصرة أنه يتجوز بنت الصديق، يا أكدة يا أما هتبجى نهايتى أنا وتجوزنى لمصطفى، أنا مش جادرة اتخيل أنى أتجوز البلطجي دى، دا سايجها أكدة فى البلد بالغل والحجد، أنا مشوفتلهوش مثيل يا جاسمين
تنهدت “جاسمين” بقلق على صديقتها وحياتها التى على وشك الأنهيار فقالت بلطف:-
-إن شاء الله خير يا حبيبتى، ربنا يعملك اللى فيه الصالح
دمعت عيني “هيام” بحزن شديد فإذا ركضت السعادة لها ستكون قد سُرقت من أخاها وتمتمت قائلة:-