-مازن
رفع نظره إليها لترى دموعها التى حولت وجهه للأحمرار الشديد وبللت وجنتيه فقال:-
-هملينى لحالي يا فريدة؟
طأطأ رأسه للأسفل حادقًا بصورة أخته المتوفية ليُشعر بيديها تطوقه وهى تضمه إليها بحنان وبدأت دموعها تتساقط وجعًا لرؤيته مُنكسر وحزين هكذا فقالت بلطف:-
-أدعيلها يا مازن، هى دلوجت فى مكان أحسن من دا بكتير، عند اللى أحن منى ومنك يا حبيبي
تشبث بزوجته بكلتا ذراعيه وجهش باكيًا بلا حرج أو خجل من بكاءه أمامها لتمسح على ظهره بلطف وسمعته يتمتم قائلًا:-
-كانت طيبة مالهاش فى أى حاجة نهائيًا، كيف البلسم وضحكتها بتنور حياتنا يا فريدة
سقطت دموعها على أكتافه بحزن شديد، أخرجته من حضنها وتتطلع بوجهه بحنان ثم قالت:-
-ربنا يرحمها ويغفرلها يا مازن، هى دلوجت فى الجنة ونعيمها، كلنا هنموت إحنا بس لسه وجتنا مجاش، سارة
أرتاحت من الدنيا وقسوتها وغدر البشر، محدش ضامن النفس اللى داخل هيخرج ولا لا …أنا كمان هموت
وضع يديه على فمها يمنعها من الحديث بذعر وخوف:-
-متجولهاش، جلبي مهيتحملش فراج حبيب تاني يا فريدة
تبسمت بلطف وهى تجفف دموعه الحارة بأناملها الباردة، تطلع بها بعينيه الحزينتين فى صمت لتقترب تقبل دموعه بلطف ثم قالت:-
-والله يعز عليا دموعك دى يا حبيب جلبي وروحي، لو كان الأمر بيدي مكنتش هملتها تروحها لأجل دموعك دي لكن