فقال “حمدى” بجدية:-
-متبصليش أكدة، أنا مخابرش باللى بيدور جوا داركم والبيوت أسرار لكن يا ولدى أنا خابر باللى كل الناس تعرفه أنك اتجوز على مرتك اللى أكيد كيفها كيف أى ست بتكون مجهورة ومكسورة بجواز جوزها من واحدة تانية،
مسألتش حالك البنت اللى دخلت دارك دى حياتها أتدمرت أكدة ليه بسببك وبسبب أخوها، كل الرجالة أستجوي عليها لأنها ضعيفة أبوها اللى رماها وأخوها اللى دفعت تمن جريمته وجوزها اللى هو حضرتك اللى جبتها ورميت
للست مُفيدة تطلع فيها كرهها ودا كل الناس خابراه من غير ما نشوفه، ذنب البنت دى فى رجبتكم كلتكم ودا الحاجة اللى بتخلي عاصم يختلف عنك وعشان أكدة هو الكبير والناس بتجبل بحكم، عمره ما سمح فى جعدت حج أن الحج يتأحد من مرة، دايمًا بيجول الرسول وصانا عليها ودى وصيته كيف نأذيها، يا ريتك سمعت لكلامه ورفضه
للجوازة دى
-أمي غضبت عليا يا عم حمدى
قالها “مازن” بحزن ثم تابع بجدية:-
-من يوم ما أبوي أتخلي عنها وسافر وأنا بجيت راجلها ودايمًا تجولي أني سندها ومالهاش غيري كيف أهملها لحالها