-تعالي طلعني وخلي حد يجيب الصندوق دا ويوسف
ضحك عليها بينما يأخذ يديها فى راحتي يده قائلًا:-
-دا انتِ عايزة فريج من الخدم وراكي بجى
قهقهت ضاحكة على كلماته العفوية حتي وصلوا للدرج فقال:-
-أسمحولي يا جماعة
قالها ثم حمل “حلا” على ذراعيه فتبسمت “تحية” وهكذا “مُفيدة” على هذا الرجل الذي ما زال يخجل من حمل زوجته أمامهم لكن يفعل بسبب مرضها الآن وجرح بطنها…
____________________________
تحدثت “هيام” فى الهاتف بضيق شديد قائلة:-
-أعمل أيه يا جاسمين كل ما أجى أفتح الموضوع تحصل حاجة، كلمت حلا فى الموضوع ولدت أعمل أيه تاني،
جوليله يستنى ولا مجادرش بجى يطلعنى من دماغه احسن أنا تعبت
تنهدت بخنق من حظها التعيس وكلما أقتر بالفرح منها سلبه القدر لتسمع “جاسمين” تقول:-
-كل تأخيرة وفيها خير يا هيام لكن متيأسيش أكدة وكله هيتحل وأدهم معندوش أستعداد يخسرك وهيستناكي العمر كله هو بس جالي أنا وتامر أنه متوحشك بس، كلميه مرة يا هيام طمني أنك عايزاه وكلها مسافة وجت بس
صرخت “هيام” بسخط شديد بينما تدخل للشرفة غاضبة:-
-جولتلك لا، مهكلمهوش ألا لما يكون بينا حاجة رسمي، أنتِ بتحددي أكدة كأنك متعرفيش عوايدنا وتجاليدنا ولا اللى ممكن يعمله عاصم ومازن لو عرفوا حاجة كيف دي
صمتت “جاسمين” ولم تعقب وهى خير الناس معرفة بذلك لتتابع “هيام” بأختناق:-
-لو كانت حلا اللى جالت أكدة كنت جولت انها متربية برا الصعيد لكن أنتِ كيف؟