ايناس : لا ما تتعبش نفسك كتر خيرك انت اتبهدلت امبارح.
حسين بجديه وهو بيتوجه للمطبخ : بطلي رغي بقي هعمله خلصنا .
ايناس ابتسمت لما شافت نفسها في مرايه النيش : اي المنظر داوخدت نفس .. بس حلو اوي وهو متعصب .
وسندت علي الحيط وحضنت الستاره .. اي دا احنا قولنا اي مافيش كلام فاضي بقي مش هبصله تاني كفايه اللي عمله معايا هو انا لي طماعه كدا .. وبعدين هو هيبصلي علي اي لا مال ولا جمال ولا شهاده ..عيني عليا .
ودخلت تلبس الاسدال عشان تعرف تفطر معاه .
حسين بيخبط :ايناس الأكل خلص هتيجي ولا اي .
ايناس : جيت اهو .. اي دا ه فين الاكل دا اللي خلص .
حسين : ما هو في المطبخ كنت بناديلك تاخدي الاطباق معايا .
ايناس دخلت المطبخ تاخد الاطباق وهو بيناولها مسكت أيديه غصب عنها سابت الطبق نزل علي الارض .
حسين بحده : يا بنتي ما تاخدي بالك .
ايناس بصوت مهزوز : معلش انا مااا ما كانش قصدي .
حسين بصلها وسابها وخرج يحط الاطباق .
ايناس لنفسها : جاتك واكسه يا مهببه مش عارفه تمسكي نفسك وأيدي بتترعش لي هي كمان يا دي الحوسه ..
نوسه بصوت عالي وتأنيب لنفسها : كانت فين الخضه دي لما رميتي نفسك في حضنه .
وخرجت شدت كرسي وقعدت قدامه هو بياكل وهي بتاكله بعينيها .
حسين : ما تاكلي يا بنتي.. الله في اي يا ايناس مالك .
ايناس : لا أبدا انا بس كنت عايزه منك خدمه .
حسين بتأفف : قولي يا ايناس .