هدي أمشي معايا شويه لحد ما نشوف حاجه نركبها وتروح المستشفي .
مشيت شويه وهو مش قادر يتكلم وبيمشي بالعافيه وأيده علي راسه من شده الألم .
هدي : طيب قول اي حاجه اسمك اي طيب اكلملك مين طيب انت جاي منين انطق اي كلمه ..
فجأه عربيه بتقلب نور من بعيد .
هدي بلهفه : أقف والنبي اقف .
صاحب العربيه : لا حول ولا قوه الا بالله تعالي يا بنتي اركبي .
وطلع بيهم علي المستشفي وصلو وكان غاب عن الوعي الممرضين بيفوقوه .
الدكتور: انتي مراته اي اللي حصل. .
هدي : هااا وقع من علي السلم ..
الدكتور بسرعه : لازم عمليات .. جهزوه بسرعه ..
هدي : لازم امشي دلوقتي ..كدا كويس لو كنت قولت حادثه كانو بهدلوني لازم أمشي من هنا بتكلم نفسها وهي بتخرج فجأه لقيت التليفون اللي في جيبها : يا لهوي اوديه فين دا و جريت علي ممرضه اديتلها التليفون وقالتلها هدخل الحمام ولفت وشهاا ولقيت اللي ماسك الورق لو سمحتي امضيلنا هنا .