////
صحيت الصبح نشيطة جدا قبل معاد المحاضرة طايرة مستنية تشوفوا و بتفكر ازاي تجيب حباله
منى : بس انا بخاف من الحب انا كدة مبسوطة اوي بضحك وبارقص امممم و مين قال اني ححب مش عارفة انا اسيب الدنيا تمشيني
لبست فستان طولوا بعد الركبة بشويا باللون الأزرق و حزام ابيض و كوتشي ابيض و رفعت شعرها لفوق و حطت روج خفيف
مسكت تلفونها و رنت على صاحبتها
سارة و هي نص نايمة : ألو
منى : نايمة و الله أولع فيكي انتي فين يا زفتة ٥ دقايق و حسيبك و حأروح لوحدي
سارة : حاضر حاضر كانت سعادة سودة ساعة ما عرفتك يا شيخة
استنتها عالباب شويا و طبعا مع الخوف سارة كانت عشر دقايق و لابسة
منى : سنة يخرب بيتك حننطرد تاني
سارة : ما لسة بدري و بعدين استنيني مرة من نفسي ده انا من يوم ما عرفتك و انا بستنى في اهلك
منى : هههه بدون رغي كتير يلا
وصلت الجامعة و دخلت القاعة ما كانش لسة في حد قعدت في البنش التاني قبال المكان اللي بيوقف في الظبط
حطت ايدها على قلبها و هي بتترعش
منى : انا خايفة ليه كدة