_ برة
_ و الله كان عندي محاضرة توي خلصت
_ ما بستقبلش حد بعدي
_ ي دكتور بس لسة دي اول محاضرة
_ و ده النظام من اولها
_ ي دكتور خليك ريفرش كدة و عديها
_ اعديها انتي بتركني توكتوك انا قولت برة
بصيت ليه بغل كان نفسي أولع فيه يطردني قدام المحاضرة كلها يعني دي اول محاضرة و لسة بنتعرف بتطردني من اولها اما انك غراب صحيح غراب ايه ده قمر يخرب بيته جايبين دكتور بالجمال ده يدرسنا لا نوينا نفلح بس ما
يحصلوش تحرش انا كنت حموت و أدخل عشان ما شوفتوش كويس يعني بس مش عشان المحاضرة
= يخرب بيت سفالتك يا شيخة مطرودين و بتهزري
_ هههههه
= بعدين ده حلو ده بومة
_ بومة بس مز ابن اللذينة ما شوفتيش رموشوا دول من طولهم كنت فاكراهم مراوح اه والله
= هههههه عاكستي و طقستي على كل شباب الجامعة و اذا واحد فيهم فكر يكلمك بتلمي عليه الحارة عايزة ايه نفسي افهم
_ يا بنت انتي مجنونة اكلم بعدين ادخل في حب و عذاب و تحكمات و نفسيتي تعب و صحتي تنزل ليه أن شاءالله هبلة
= طيب و جواز الصالونات
_ لا بالله اتجوز واحد عمريش شوفتوا و تاني يوم يصير كليتي و معدتي و مش قادرة اعيش من غيرو ليه ان شاءالله
= هااا اومال عايزة ايه
_ مش عارفة عايزة نوع تالت كدة يعني اوصلك ازاي يعني لا احب و اتعذب و لا اتجوز واحد معرفوش فاهمة عليا
= يا شيخة دي انتي اللي حيتجوزك حيكون عامل بلاوي سودة عشان ربنا يكفر ذنوبوا و يبلي فيكي
_ هع ده امه دعياله في ليلة قدر
= قصدك داعية عليه و حياتك
_ ما تتنيلي و تيجي نفطر أهو نكون استفدنا حاجة برضو
نسيت اعرفكوا اسمي منى موسى سنة تانية صيدلة معرفش دخلت صيدلة ليه اساسا او حتى جامعة من الأساس بيقولوا عني حلوة يعني معرفش
عيوني خضرا بشرة حنطية شعري طويل و لونه عسلي