فضل ادهم ان يذهب حتي لا يحرجها أمام الفتيات فكاد ان يذهب الا ان اوقفه صوت هنيه قائله /معلش بقي يا ادهم يا بني خدنا منك مرتك وغرفتك مؤقتا
ادهم بابتسامه مزيفه/لا عادي يا مرات عمي دي انا ضيف عندكم استأذن انا بقي
هنيه بتسأل/علي فين يا ولدي
ادهم /هنزل اشم شوية هوا في الجنينه لحد ما البنات يخلصوا قاعدتهم براحتهم
هنيه/طيب يا ولدي(نزل ادهم الي الجنينه ودلفت هنيه للفتيات وجدتهم يضحكون وبشده)
هنيه بتساؤل/جري ايه يا بنات عتضحكوا كيدا ليه
ديانا من وسط ضحكاتها/بنضحك علي رقص ملك
ملك بضيق/وانا مضحكه ولا اي يا ست بتاعه انتي
ديا بخجل/مش قصدي والله انا (قاطعها خروج ملك من الغرفه بضيق واغلقت الباب بغضب ،نظرت ديانا لهنيه بتأسف )
هنيه بتفهم/سيبك منها يا بتي هي جموصه كيدا المهم انتي انزلي شوفي جوزك
ديانا بنسيان/جوز مين جوزي انا؟!
هنيه بضحك/ااي يا بت انتي نسيتي جوزك ولا اي
ديانا بتزكر/ اهه جوزي صح معلش اصلي دايخه شويه
هنيه بطيبه/مالك يا بتي لتكوني حامل
ديانا بنفي ممزوج بتسرع/لا لا
هنيه /مالك يا بنتي في اي اي اللي يمنع انك تكوني حامل يعني مش فاهمه
ديانا /اصل انا لسا عروسه جديده فملحقتش يعني فاهماني
هنيه بتفهم/طيب يا بتي انزلي اقعدي مع جوزك احسن جيه ومرضيش يدخل اما شاف البنات عندك
ديانا بخجل وخوف خشيا ان يكون رآها وهي ترقص/هو الباب كان مفتوح
هنيه بإستغراب /يعني وبعدين انتي خايفه كيدا ليه ده جوزك
ديانا بتغيير للموضوع /اصل البنات كانوا بيرقصوا معايا وانا بغير عليه
منه بغمزه/ايوا يا عم الحب ولع في الذره
هنيه بضحكه خفيفه/لا يا بنتي هو نزل علي طول يعني مبصش خالص يلا يا مني خليها تغير و تنزل لجوزها ( خرجت منه وهنيه وترك ا ديانا تستعد للنزول)
✨️عند ادهم في الجنينه✨️
كان يجلس على النجيله الخضراء ويتذكر اسوء ذكريات حياته