بات قلبى صامتًا و للمرة الاولى، لقد أستسلم بعد إنهزامه فى جل الحروب، أخفق فى الحُكم على الكثير، و فى كل مرة ينكسر منهزمًا يائسًا باغضًا للبشر، و كأنه غادر هذا الجسد تاركًا الأمر لعقلى، بات يدق خيبه، و يفرغ مع الدم حزنًا لسائر جسدى، و لأول مره يتفق قلبى مع عقلى فى قرار صمته تاركًا الأمر له لعله ينقذنا
وبينما كانت تفكر تلك ال في كسرة قلبها التي اعتادت عليها من البشر منذ رحيل والديها وتركها بمفردها تواجه مصاعب الحياه دق باب غرفتها
ديانا وهي تمسح دموعها /ايوا مين
مرزوقه (الخادمه)/انا ياست هانم البيه باعتني عشان انادي لحضرتك علي الفطار
ديانا وهي تحاول ان يبدو صوتها طبيعي /انزلي انتي يا مرزوقه وانا شويه وهنزل
مرزوقه بطاعه /امرك يا ست هانم
نزلت مرزوقه واخبرت الجميع بذلك
عبد العزيز بضيق حاول ان يخفيه ولكنه فشل /يا بابا مش كل يوم هنستني الست ديانا لحد ما تحن علينا وتنزل
احلام /يا بابا عبد العزيز عنده حق مش كفايه انها مجنونه ومستحملينها
اصبح وجه فتحي شديد الإحمرار من كثره الغضب اللذي صاحبه وتحدث قائلا /انا قولت الف مره محدش يقول عليها مجنونه دي مريضه وبتتعالج ولو سمعت حد منكم قال عليها كلمه زي دي تاني او اتكلم عنها بطريقه ذي اللي لسا متكلمين بيها دي هيشوف وش مش هيعجبه مني اومال لو ماكانتش،بنت اخوكم كنتوا هتقولوا اي
نظر كل من عبد العزيز واحلام اللي بعضهما البعض واكتفوا بالصمت تجنباً لغضب ابيهم مره اخري
نزل لؤي بمرحه المعتاد قائلاً /انا جيت يت بشرر
نيره/يا ريتك ما
لؤي بتسليه/مطلبتش رأيك يا دبه
نيره بإنزعاج من كلماته فهو دائما ما يستفزها/شوفت يا خالو ابنك
عبد العزيز بتنهيده /ما انتي الي بدأتي يا نيره
لؤي بغرور مصتنع /اوباعدين انا مكذبتش ما انتي فعلاً دبه ولو مش مصدقه قومي بصي في المرايه
كادت ان ترد ولكن قاطعها صوت فتحي قائلاً بعصبيه /ما تقوموا تضربوا بعض قدامي احسن
نيره /يا جدو
قاطعها فتحي بحزم /خلاص اخرسي مسمعش صوتك انتي وهو
نزلت ديانا وكانت يبدو عليها التعب والإرهاق
ديانا بإبتسامه ترسمها لعلاها تداري الم قلبها /صباح الخير ،أجاب الجميع التحيه وشرعوا في الطعام
فتحي بلهفه/عامله اي ديلوقتي يا حبيبتي
ديانا بإبتسامه بسيطه /الحمد لله يا جدو احسن من الأول
فتحي /طيب الحمد لله يا حبيبتي
اكتفت ديانا بإبتسامه بسيطه
وبعد مرور خمس دقائق من الصمت قاطعه لؤي بمرح قائلاً /اي دي يا جماعه ما تتكلموا اي الملل اللي علي الصبح دي