فتحي بغيظ /بوظ العربيه اللي بنتحرك بيها شوفلي ابنك فين عشان اقسم بالله هربيه من اول وجديد طالما انت مش عارف تربيه
عبد العزيز بتنهيده /عمل عملته وهرب بس وشرف امه اما يجيلي لهربيه
احلام بسخريه /مابلاش تحلف بشرف امه ههههههههههه
فتحي بحزم /احلام اخرسي مش ناقصينك وشوفي معاكي اي حاجه
احلام بكذب /انا مفلسه زيي زيكم هجيب منين يعني
عبد العزيز بخبث /ده علي اساس ان بنتك مابتبعتلكيش فلوس
فتحي /اخلصي ما احنا عارفين اللي فيها وانك بعتي بنتك لمحمود عشان الفلوس فشوفي معاكي قرشين عشان نصلح العربيه بيهم
فتحت احلام شنتطها بغيظ شديد واعطت لفتحي ١٠٠٠جنيه
فتحي /خد يا بني روح صلح الزفته عشان نروح مشوارنا باليل
✨عند نيره ✨
كانت تجلس بمفردها في جنينة الڤيلا وتشرب القهوه الخاصه بها
نيره في خاطرها كأنها تحدث شخص ما /هي ماما ليه مش بتسأل عليا غير اما تعوز فلوس بس برضوا تلاقيها مشغوله…..بس هي في ام ممكن تتشغل عن بنتها ! طب هي ليه عمراها ما حضنتني وحسيت في حضنها بلأمان طول عمري بسمع عن حضن الأم دي بيبقي حنين ومليان دفي امان ولما كنت بحضنها كان
بيبقي مليان قسوه وخوف
ياتري بتحبني ؟!
قاطع تفكيرها رنين هاتفها فأمسكت بالهاتف فوجدت المتصل My heart(قلبي )
نيره بفرحه وهي تجيب علي الهاتف /الو يا مامي عامله اي وحشاني قوي
احلام بنره عاديه /انا الحمد لله يا روحي كويسه
نيره وهي تزيح خصلات شعراها عن وجهها /طيب الحمد لله انك بخير
احلام بصاعبانيه/نيرو يا حبيب مامي ممكن تبعتيلي فلوس علي حسابي لأن فلوسي خلصت
نيره بحزن /اكيد يا مامي
احلام بفرحه /ميرسي جدا يا روحي يلا باي
اغلقت ديانا مع والدتها وهي تفكر:دي حتي ماقلتليش عامله اي ؟
دلفت اليها ساميه وهي ممسكه بصنيه عليها بعض المسليات
ساميه بحنية ام /نيرو يا حبيبي جبت شويه مسليات وتعالي نشغل فيلم علي الشاشه نتفرج عليه بدل ما انتي قاعده لواحدك كيدا يا حبيبتي
نيره بإبتسامه باهته /عاوزه تتفرجي علي اي
ساميه بضحكه /اللي انتي عاوزه يا حبيبتي اصلاً كويس ان في شاشه في الجنينه الجو هنا جميل
نيره بتفكير في والدتها /طيب اشغلك فيلم قديم ولا
جديد
ساميه بتفكير /بصي في فيلم حلو قوي اسمه ابو العروسه تعالي نتفرج عليه
نيره بضحكه من قلبها /دي مسلسل مش فيلم