خالد دي اصلاً اللي مش مظبوط وكلنا عارفين كيدا ولا اكمنه ابن اخوكي يعني
وضعت جملات يديها في خصرها قائله/دي انت رامي ودنك من بدري بقي
الراجل بطيبه /ولا رامي ولا حاجه دي انتي اللي صوتك عالي وجايب اخر الحاره حتي اطلعي شوفي كيدا هتلاقي الناس قدام العماره بيتفرجوا
جملات بوقاحه /يتفرجوا يجوا يتفرجوا علي تربية الملاجئ اللي مالقتش حد يربيها
جميله بإندفاع بعد ان سالت دموعها علي خذيها كقطرات الندي علي ورقات الأشجار /كفايه بقي انا عملتك اي لكل دي من النهارده صباح الخير حتي مش هقولهالك
توجهت جميله خارج البيت وعند خروجها وجدت معظم الحاره تقف امام البيت ومن الواضح انهم كانوا يستمعون لشجارها مع تلك الحمقاء
اسرعت بمسح دموعها وتوجهت لعملها وهي تفكر في عائلتها لماذا فعلوا بها هذا لماذا انجبوها للحياه وهم لا يريدونها فكم من المؤلم ان تكون بمفردك في هذه الحياه وتواجه كل تلك العقبات بمفردك
عند جملات بعد ما رحلت جميله
جملات /يلا بيتك بيتك يا عم انت وهو حاره **** ومليانه اشكال ****
✨في شقه فتحي الزناتي ✨
لؤي /مرزوقه يا مرزوقه
مرزوقه وهي اسرع نحو لؤي/نعم يا استاذ لؤي
لؤي/هو جدو نايم صح
مرزوقه /اه
لؤي بتفكير /طيب وبابا
مرزوقه /نايم هو التاني دي انا كنت صاحيه الساعه سته كانوا لسا منموش باين عليهم هيتأخروا في النوم كنت عاوز منهم حاجه
لؤي ببسمه بمكر /حلو قوي بصي انا هاخد مفاتيح العربيه واوعي اما جدو ولا بابا يصحي تقوليلهم
مرزوقه بخوف /لا يا استاذ لؤي احسن دول لو يعرفوا يقطعوا عيشي
لؤي بتأفف/لو سألوكي قولي انك ماتعرفيش حاجه عن الموضوع دي فاهمه
مرزوقه براحه /طيب يا استاذ لؤي
ذهب لؤي الي غرفه والده علي انامل اصابعه وفتح الغرفه ودلف اليها في هدوء تام واخذ مفاتيح سيارته الموضوعه علي الكوميدينو بجانب سرير والده وخرج
في هدوء واسرع للنزول الي سيارته
امام العماره كانت تقف سياره بالون الرمادي
لؤي بفرح وهو يتفحص السياره /وحشتيني يا غاليه لو تعرفي اتبهدلت ازاي من بعدك ومواصلات وقرف عرفت قيمتك يا حبيبتي
استمع لؤي لصوت ضحكات فالتفت وجد امل تكاد تنفجر من الضحك