ابتسمت ديانا ابتسامه كسره من بين دموعها ثم اكملت /قابلت جاسر وحبيته واتعلقت بيه وكالعاده خوفت اقوله علي مرضي وجيه خطبني وقبل فرحنا بكام ساعه عرف بموضوع مرضي مش عارفه مين اللي قاله بس المهم انه عرف وسافر في نفس اليوم وانا كنت ساعتها لابسه الفستان الأبيض ومستنياه وجالي الخبر ومن ساعتها وانا رجعت زي الأول وأسوأ كمان
الدكتور وهو يخلع نظاراته الطبيه/بصي يا ديانا حابب اقولك اطمني انتي هتخفي وكمان حابب اقولك ان الدنيا زي ما فيها ناس وحشه فيها ناس حلوه كتير
قوي بس المهم انك تعرفي تختاري صح
ديانا وهي تمسح بعض الدموع من عيناها /طيب ممكن تقولي ممكن اخف بعد قد اي
الدكتور /دي يعتمد علي حالتك النفسيه بمعني انك لازم تشيلي الماضي من دماغك وتعيشي حياتك بطريقه طبيعيه ومرحه تستمتعي بيها وتواظبي علي
الأدويه ولو عملتي كيدا انا اضمنلك انك تخفي في اقل من ٣شهور
ديانا وهي تزيل دموعها من علي خديها /يعني تفتكر اني هخف
الدكتور بإبتسامه /اكيد بس اهم حاجه حالتك النفسيه ،اومئت له ديانا فقط فكيف لشخص ان يستطيع أن يتحكم في حالته النفسيه فهذي الأشياء خارجه عن ارادة البشر
✨عند ادهم ✨
كان يستلقي علي الشازلونج الخاص به ينتظر لسماع خبر القضاء علي إمبراطورية فتحي الزناتي
دلف اليه مهاب ببإبتسامه قائلاً /تم
ابتسم ادهم ابتسامة نصر اعتاد عليها
مهاب بعدما جلس علي المقعد المقابل لأدهم /بس هموت واعرف ازاي عرفت تاخد كل املاكه وتبقي بإسمك انت
ادهم بثباته المعتاد /اللي ما يتسمي عامل توكيل للمحامي بتاعه اللي فاكر انه صاحب عمره وانا بقي خليت المحامي يبعلي كل املاكه وقبض التمن