ادهم بإستغراب لتغيرها المفاجئ/يلا علي فين
ديانا وهي تنظر له /علي امبابه
احس ادهم برغمه عارمه في البكاء فتلك المكان يذكره بأسوء ايام حياته وتحدث قائلاً /….
🌟عند نيره 🌟
كانت تجلس علي السفره تتناول الإفطار مع والدها وساميه
نيره بإرتباك/بابا انا عاوزه اخد رأي حضرتك في حاجه ،نظر لها محمود لإنتباه قائلا/قولي
نيره بعد ان تركت معلقتها ونظرت لوالدها /انا عاوزه اعمل عمليه عشان اخس
محمود بإعتراض /لا طبعا
نيره بحزن/يابابا انا مش بحب اروح الكليه بسبب التنمر اللي بتعرضله من زمايلي
محمود بطيبه /يا بنتي الشكل مش كل حاجه حبي نفسك وماتحليش حد يأثر فيكي يا نيره ،نظرت له بعيون دامعه فتحدث قائلا/روحي تابعي مع دكتور تغذيه كويس وانتي هتخسي إنما تقوليلي عمليه لا يا بنتي دي خطر،اومأت له نيره فقط
بعد قليل **
كانت نيره تجلس في غرفتها وهي تحدث والدتها
نيره /ماما انتي ليه ماباقتيش تكلميني
احلام /مش فاضيه والله يا نيره يا حبيبتي
نيره /وراكي اي يعني مش فاهمه
احلام بتسرع مشاغل يا نيره مشاغل بقولك اي انا اتصلت بيكي عشان تبعتيلي فلوس لأن اللي معايا خلصوا وياريت بسرعه
نيره بحزن/يعني انتي اتصلتي عشان الفلوس مش عشان ي
احلام تأفف/لا طبعا عشانك يلا باي يا روحي ،أغلقت نيره مع احلام و هي حزينه فوجدت الباب يدق فمسحت دموعها الذي نزلوا رغما عنها
نيره /ادخل ،دلفت ساميه وهي ممسكه بورقه وجلست بجانب نيره قائله بفرحه/بصي بقي يا نيرو يا حبيبتي انا قعدت ابحث علي النت لحد ما لاقيت دكتور تعذيه شاطر قوي وجبت رقمه تعالي نكلمه ونحجز معاه بدل العمليه ،نظرت لها نيره بحزن وارتمت في احضانها وهي تبكي بكسره
ساميه وهي تملس علي ظهرها بحنان /مالك بس يا حبيبتي بتعيطي ليه
نيره من بين بكائها/ماما مش بتحبني خالص