جاسر باس أيدها وقال : بجد ياقلب جاسر هروح مشوار على السريع كده ومش هتأخر
ندى بفرحه : ماشى مع السلامه
أسد كان بيمضى على ورق الشراكه وسيف كان مضايق جدا ومش مقتنع باللي بيحصل الناس مشيت وأسد اتنهد
سيف : انا مش مرتاح
أسد : معلش وقت مؤقت لحد لما الشركه تقف على رجليها تانى
سيف : طيب هتعمل كده ازاى
أسد : نستغل ورث ندى اللي مضتها عليه من غير ماتعرف
سيف باستغراب : والورق ده فين
أسد : فى الفيلا القديمه خلى بالك من الشركه هروح اجيبه
سيف : تمام
فى الفيلا بتاعت أسد القديمه
أسد وصل واتصدم لما شاف جاسر
أسد : ايه اللي جابك هنا يا جاسر
جاسر ببرود : كنت بدور على أوراق تخص الشركه
أسد بغضب : وإنت مالك بالشركه ي جاسر
جاسر : لا مالي ونص كمان هو إنت متعرفش إني ليا فى الشركه زي زيك واكتر كمان شكلك نسيت تقرأ إسم شريكك الجديد إي ي أسد هتفضل طول عمرك غبي ومتسرع
أسد اتصدم وجاسر ضحك بصوت عالى