ندي بضحك : مالك اتلخطبي كدا لي لتكمل بهدوء انا عارفة انك كنتي بتحبيه يا نور وكان بيبقي واضح علي وشك جدا لما تجتمعوا عارفة كمان انك بعدتي بعد جوازه وانك انهارتي بعد اللي عمله معاكي بس ليه شايفه عنيكي بتلمع لما بتيجي سيرته رغم كل اللي عمله معاكي
جأت نور لترد عليها لتلمح جاسر يقترب فاتبتسم بداخلها بخبث وتقول لندي : فكك مني دلوقتي وقوليلي انتي وافقتي تتزوجي جاسر لي هاا
ندي بخجل : عشان..عشاان يحميني من اسد ويجيب حقي
نور بضحك: يعني عشان مش بتحبيه ي بت قولي قولي مش هقوله متخفيش
ليقف جاسر وهو يستمع كلامهم ويتنظر رد ندي بدون ان تراه
ندي بحب : بحبه!! بحبه اي بس يا نور كلمه حب دي قليله علي اللي انا بحسه تجاه جاسر ومش من دلوقتي لا دا من زمان اوي من حوالي 5 سنين ويمكن اكتر كمان اه كنت دايما بنجذب ليه بس لما كبرت عرفت ان دا حب حبيته رغم انه كان شايفني اخته الصغيره وكنت بقوله يا ابيه زي اسد كنت بستناه عشان ياجي لاسد واملي عيني منه فضلت احبه في صمت كدا وانا كنت راضيه اهو قدامي علي الاقل مبيفركش بواحده تانيه كنت بين نار انا مش عارفة ولا هعرف اعترف
بحبي دا وبين اني خايفه يحب غيري حتي من غير ما يفكر فيا لحد اللي حصل ومرات اسد ماتت وقال ان السبب في موتها جاسر عارفة انا مصدقتش لحظة واحده كلام اسد عن جاسر بس زعلت وقتها اوي ازاي اسد ممكن يفكر لحظة ف جاسر كدا حاولت اوصله معرفتش لحد ما سمعت خبر موته وقتها تمنيت الموت الف مرة كنت بموت كل ساعه لا كل ثانيه كنت بدعي ربنا يوديني ليه لدرجه ان اسد كرهني عشان مفكر انه واقفه معاه ضده واني راضيه بموت مراته