ندي بدموع : انا اسفه ليكي ي نور علي كل اللي عمله بس انتي مش فاهمه انتي كان ممكن تكسبي اي لما يعرف
نور بسخرية: اكسب !!! اكسب اي يا ندي انا اخوكي خسرني كل حاجه ف حياتي
ندي : عارفة والله ومش عارفة اقولك اي بس دا كان هيفرق جدا معااه كان ممكن يبقي جمبنا من غير كراهيه او انتقام
جاسر : اخوكي معروف نيته كويس يا ندي ولو كان عرف مكنتش هيسيبها تكمل الحمل دا اصلا انا كمان لو كنت عرفت مكنتش هسيبها تكمله
فهد : خلاص يا جماعه اللي حصل حصل واسد مش هيعرف حاجه عن الولاد ابدا مش عايزينهم يدخلوا ف اي حاجه بينكم الاحسن إنهم يفضلوا بعيد
ندي بصراخ : يااا جمااعه افهموني اسد لو عرف انه عنده ولاد هيرجع أسد اخويا اللي كلنا عارفينه افهموا بقي يعني لما يكون كل انتقامه عشان ابنه اللي مات من غير ما يشوف الدنيا يبقي لما يعرف انه عنده ولاد وعمرهم 3 سنين هيكون ردة فعله اي
نور بسخرية : لا ي ندي انتقامه كان عشان مراته اتغصبت بوحشيه وملقاش غيري انا واخويا يلبسنا الليله
ندي بصراخ صدم الجميع: مكنش بيحبها مكنش بيطيقها
نور بعدم فهد : ازاي يعني مش فاهمه مش دي مراته اللي حارب الدنيا عشان يتجوزها
ندي ببكاء : لااا البنت دي بنت صاحب بابا الله يرحمه وبابا اللي وصاه انه يتجوزها ووافق وقرر انه يعاملها كويس ولما عرف انها حامل كأنه لقي سبب انه يتمسك بيها او عالاقل يكمل جوازهم
جاسر : مش مبرر للي عمله يا ندي
فهد بهدوء : تعالي معايا يا جاسر سيبهم يهدوا شوية علي ما الداده تحضر الاكل ويا ندي الولاد مينفعش يظهروا لاسد دلوقتي بأي شكل دا خطر عليهم حاولي