فهد بتنهيده : يبني ما تقولوا علي الحقيقه وترجعوا زي الاول بقي وخلاص
جاسر بعصبيه : نعمم وحق اختي اللي راحت ف الرجليين دا هسيبه كدا لا مش هيحصل الكلام دا يا فهد هندمه علي كل ساعه فكر انه يأذينا فيها مش هسامحه علي وجعها هي وندي ابدا يا فهد
فهد بخبث : طب نور وفهمنا انت عايز ترجع حقها طب وندي اي حوارها بقي
جاسر بتلقائيه : مراتي ازاي مش عايزاني ادافع عنها
فهد بضحك : لا والله بجد مراتك من امتي الكلام دا بقي ان شاء الله
جاسر : فهد متستفزنيش بقي
فهد : خلاص ي عم المهم دلوقتي انت عارفة نتيجة الصفقه دي ع اسد هتبقي اي
جاسر بتنهيده : ايوا عارف و كمان عارف انه داخل بنسبه 25% من اصل ثروته كلها يعني هتبقي صدمه كبيرة لي
فهد : طب ولي يا جاسر تأذية بالشكل دا انت اكتر حد عارف هو تعب اد اي علي ما قدر يجمع ثروته دي صح
جاسر : وانت تعرف اني ليا في ثروته دي ولا لا يعني حقي وكله دا لولا اني كنت بقسم الارباح عليا انا ونور مكنتش هعرف ارجع السوق تاني ي فهد
فهد بدهشه : يعني اي الثروة نصها ليك ولما كل اللي مع نور دا كان بس نص الارباح الثروة كلها كانت كام
جاسر بسخرية : ثروة نور تقدر ب 200 مليار دولار اما اللي ليا عند اسد واللي كان فوق 600 مليار دولار ولو حسبناه بارباح ال 3 سنين اللي عدوا هيبقوا كام بقي
فهد بحزن : وانا اللي فاكر اننا ظلمناه لما اخدنا الصفقه دي بس دي كدا ممكن ترجعلك شوية من حقك صح
جاسر : مش فارق معايا اصلا ي فهد كل دا اللي فارق معايا اني اكسرة واوجعه مش اكتر
يقف فهد بتنهيده ويقول : خلاص ي جاسر اعمل اللي يريحك وانا معاك انا هروح اخلص كام حاجه وبعدها هروح علي المستشفي عشان نور هتخرج النهاردة