دلوقتي وسابه ومشي
فهد: ليه قولته كده ي جاسر إنت كده بتثبت التهمة عليك جاسر بحزن: انا مش محتاج أثبت حاجة عليا ي فهد لان هو مصدق أصلا إني عملت كده
فهد: ليه مش عاوز تقوله علي السر اللي إنت تعرفه
جاسر: زمان كان ممكن أقوله بس بعد اللي عمله معايا مستحيل أقوله حاجة هسيبه كده علي عماه وبعدين السر ده الورقة اللي هتقضي علي أسد نهائي
فهد: ناوي علي إي
جاسر بغموض: هتعرف كل حاجة في وقتها
عند ندي كانت قاعدة بترسم وتليفونها رن برقم غريب؛ ندي إستغربت وردت: ألو مين
أسد: أنا أسد ي ندي
ندي بضيق: خير ي أسد عاوز إي
أسد: انا محتاجك أوي ي ندي عارف إني غلطت في حقك كتير بس صدقيني انا تعبان أوي ومحتاج أتكلم معاكي
ندي بلهفة: تعبان مالك ي أسد قولي إنت فين وأنا هجيلك
أسد: أنا في كافيه إسمه *
ندي: مسافة السكه هكون عندك
بعد نص ساعة؛ ندي وصلت الكافيه وأسد شاور ليها وهي جرت عليه وقالتله بلهفة: مالك ي أسد فيك إي
أسد: انا محتاجك أوي ي ندي
ندي بخوف: فيه إي ي أسد بلاش تقلقني
أسد: شوفتي اللي حصلي إمبارح مش كده
ندي بحزن: إيوه شوفت ويما حذرتك من اللي بتعمله