فهد خدها في حضنه وقال: مش هسمحله يعمل كده صدقيني مش هسمحله ولو وصلت إني أقتله هعمل كده
وفي الوقت ده دخل جاسر وإتفاجئ لما شاف نور منهارة من العياط وقالها بلهفة: نور حبيبتي بتعيطي لي
نور بصتله بزعل ومردتش عليه وحضنت فهد أكتر؛ جاسر إبتسم وعرف أنها زعلانه منه ومسك إيديها وباسها وقال: انا اسف يحبيبة قلبي والله أسف حقك عليا الخبر مكنش سهل عليا فكرة إنك عندك ولاد من الحي”وان اللي إسمه أسد ده يبقى أبوهم خوفتني خوفت ليضغط علينا بيهم أو يستغلهم ويأذيكي
نور بدموع: أنا مرضتش انزلهم لأنهم هما السبب اللي خلوني قوية بعد اللي حصل دول هديه ربنا بعتهم ليا تعويض علي اللي حصلي مش زي ما انت قولت
جاسر خدها في حضنه وقال: حقك عليا يقلب أخوكي انا اسف معرفش انا قولت كده ازاي سامحيني ينور
نور: هسامحك بس بشرط واحد
جاسر بإبتسامة: موافق عليه من قبل ما أعرفه
نور: تخلي بالك من ولادي لحد ما اطلع من هنا وتحطهم في عيونك وتبقي حنين عليهم
جاسر: دول حته مني زي ما هما حته منك بالضبط؛ بس هما اسمهم اي وقاعدين فين
فهد: نور جابت ولد وبنت توأم سمت الولد جاسر والبنت ملاك ومتقلقش هما عندي في الفيلا
جاسر بضحك: طلعت مش سهل يعم فهد
فهد بضحك: تربيتك
جاسر دور بعينه في الاوضة علي ندي بس مكنتش موجوده وقال بإستغراب: أمال هي فين