أسد بألم وصوت عالي: جااااسر
وفي الوقت ده وصلت الشرطه ومعاهم فهد اللي اتصدم من حاله جاسر وأسد وجري عليهم وقال: انتوا حصلكم اي وبص ناحيه جاسر وقال بخوف: جاسر رد عليا انت كويس
أسد بتعب وألم: إتحرك ي فهد وإطلب الاسعاف بسرعه
فهد بصدمة: انت حصلك إي انت كمان وكتفك ماله
أسد بعصبية: إطلب الاسعاف إنجز يلا
فهد: حاضر وطلب فهد الاسعاف
أسد بتعب: متقلقش ي صاحبي انت هتبقي كويس
جاسر بألم: سامحني ي صاحبي علي اللي عملته فيك وخلي ندي تسامحني وقولها اني محبتش حد في حياتي قدها وغمض عيونه وراح في عالم تاني
أسد بدموع: جاسر فتح عينك ي جاسر عشان خاطري فتح عينك ومن كتر تعب أسد اغمي عليه هو كمان جنب جاسر
وبعد فتره جات الاسعاف ونقولوهم علي المستشفي
*********
في المستشفى وتحديدا غرفه أسد
أسد بدأ يفتح عيونه وأول ما فتح شاف فهد قدامه
أسد: جاسر أخباره اي فهد
فهد: متقلقش عليه هو اتجاوز مرحله الخطر بس هو في العنايه دلوقتي
أسد: أنا لازما أروح له وجه يقوم حس بوجع في كتفه مكان الرصاصة
فهد: إهدي ي أسد إنت لازما ترتاح
وفي الوقت ده دخلت نور وجريت عليه وقالته بدموع: إنت كويس ي أسد مش كده
أسد بتعب: إهدي ي حبيبتي انا كويس صدقيني متقلقيش عليا
نور: هو ده وعدك ليا انك تاخد بالك من نفسك انا زعلانه منك
أسد وهو بيبوس إيديها: متزعليش مني ي حبيبتي وبعدين انا بقيت كويس اهو الاصابه مش خطيره قوليلي بس فين ندي
نور بحزن: واقفه قدام أوضة جاسر مش راضيه تتحرك
أسد لمس وشها بحنان وقال: متقلقيش عليه ي حبيبتي هيبقي كويس
نور بدموع: ي رب ي أسد ي رب
أسد لفهد: ساعدني اني اقوم انا لازما اروح لجاسر
فهد: زي ما تحب ي أسد