أسد طلع من الاوضة وكان بيبص لهم بغضب كبير وقال بغضب: عمري ما كنت اتخيل انكم تطلعوا بالقذارة دي
سيف بإرتباك: متظلمناش ي أسد جاسر هو اللي جه لماما وعرض عليها انها تساعده عشان يخلص منك وانا وماما قولنا هنمثل علي جاسر اننا هنساعده وكل اللي سمعته ده كدب احنا كنا هنيجي نقولك اللي بيخطط ليه
هدي: أيوه ي أسد سيف معاه حق في كل كلمة انا مستحيل أخونك ده انت زي ابني بالضبط
أسد بضحك: اللي انتوا متعرفهوش بقي ان كل ده خطه مني انا وجاسر بعد ما عرفت حقيقتكم وعرفت اللعبه اللي عملتوها عليا انا وهو زمان لما لبستوه موت سلمي وانتي وإبنكم اللي كنتوا السبب في موتها
هدي بصدمة: خطة!
جاسر: أيوه خطة ي هدي مش انا اللي يبيع صاحب عمره مهما حصل بينا بس الشهاده لله انتي طلعتي غبيه انتي وابنك وكرهك لاسد ساعدنا إننا ننفذ خطتنا
أسد: كل اللي عاوزه اعرفه انا عملتك اي عشان تعملي فيا كده وكمان كنتي بتخططي لموتي وياريتك أنتي وابنك إكتفيتي بكده ده انتي كنتي عاوزه تعملي في ندي زي ما عملتي في سلمى انطقي عملنا ليكي اي
هدي بكره: مش انت اللي عملت أبوك اللي عمل طول عمري كنت بكره أبوك وعمري ما حبيته كان ديما احسن مني وبابا كان بيحبه اكتر مني والدليل علي كده كتب له الجزء الأكبر من الميراث بعد موته
أسد بصدمة: بس بابا كان بيعاملك كويس وعمره ما استخسر فيكي حاجة
هدي: لا استخسر فيا عارف استخسر فيا الشخص الوحيد اللي حبيته وكنت اتمني يبقي ليا استخسر فيا أبوك ي جاسر ايوه ابوك كان حب حياتي اللي كنت بتمناه من الدنيا بس أبوك بعده عني عشان كده عملت كل اللي عملته ولو رجع بيا الزمن هعمل كده واكتر
أسد: والد جاسر هو اللي رفضك ورفض الجواز منك بس بابا مرضاش يقولك كده عشان كان خايف علي مشاعرك فقالك انه هو اللي رافض الموضوع
هدي بحقد: وده اللي عرفته بعدين عشان كده قولت لازما انتقم من جاسر علي رفض ابوه ليا ولبسته موضوع موت سلمى
جاسر بصدمة: أنتي إنسانه مريضة
أسد: وانت ي سيف يتري سبب كرهك ليا إي
سيف بكره: أبويا عمره ما حبني قد ما حبك انت كان ديما بيعايرني بيك انت شوف اسد عمل اي؛ شوف اسد بقي إي؛ إنت مستحيل تبقي زي أسد لحد ما كرهتك كره العمي وكرهي ليك زاد أكتر لما اشتغلنا سوا في الشركة بسبب تكبرك عليا وعصبيتك وإهانتك ليا عشان كده لما جاتلي الفرصة اني اكسرك مترددتش ابدا اني اعمل كده
أسد كان واقف مصدوم من اللي بيعمله والدموع متجمعة في عينه؛ وجاسر حس بكده وراح وقف جنبه وقاله:إنت كويس ي أسد
أسد بصله وهز رأسه بأه ووجه كلامه لهدي وسيف وقال: تعرفوا انا نفسي دلوقتي امسك مسدسي واقتلكم بإيدي بس حرام أوسخ إيدي بدمكم القذر كل كلامكم اتسجل والشرطة على وصول والمره دي هتاخدوا جزاتكم علي كل اللي عملتوه
سيف: مش قبل ما تاخد جزائك انت كمان ي أسد
ومره واحده طلع مسدسه وضرب رصاصه جات في كتف أسد
جاسر بصدمة: أسد؛ ولسه هيطلع مسدسه هدي كانت اسرع منه وطلعت مسدسها وضربت رصاصه استقرت في صدر جاسر