مدير عام الجزء الأول مسلم شاب عايش في منطقة شعبيه وفي تغير كبير هيحصل في حياته لما يقابل رقيه بطلتنا الجميله اللي بتشتغل صحفيه وهتظهر في حياة مسلم بخدعه هتعرفوها في الاحداث. مسلم رجع بيته البسيط وهو
حاسس بارهاق شديد بقاله اكتر من شهر برا البيت ونومه كان علي كرسي خشب بسبب سفر عمه وانشغاله بحماية مخزن السلاح .. _ اتفاجئ بوالدته بتجري عليه اول ما سمعت صوت الباب بيتفتح أخيرا رجعت ده انا قولت المرا دي مش هترجع
وتنسانا _ بعدت عنه وبصتله بلوم كبير حـrام عليك يابني انت بتعمل فينا كده ليه ده انا عيني مداقتش النوم بسبب غيابك معرفش إذا كنت بتاكل وبتشرب ولا لأ معرفش انت بتنام كويس ولا لأ معرفش إذا كنت عايش ولا مېت قلبي
واجعني عليك من السكة اللي مشيت فيها يا مسلم ريح قلبي يا بني وارجع تاني مسلم اللي مكنش بيسيب فرض وبيخاف ربه! _ مسلم نفخ بضيق شديد واندفع فيها مفيش حاجة بترجع تاني وبعدين أنا مرتاح كده ياريت انتوا كمان تتقبلوا
وضعي عشان انا زهقت من الاسطوانة اللي بتتعاد كتير دي واخرتها هتبقي وحشة وردي مش هيعجبكم.. _ سحبت نفس عميق وبصت علي طيف خياله اللي مشي من قدامها ودخل أوضته هزت راسها باستنكار لكل اللي بيحصل ربنا يهديك يا
ابن بطني _ مسلم دخل اوضته وقفل الباب رمي نفسه علي السرير وفي ثواني كان نايم .. _ صباحا .. في مكان آخر موبايلها رن سحبته من مكتبها وردت عليه ثواني وهنزلك معلش المكتب زحمة جدا ومش عارفة اخلع منهم _ ردت عليها