=بس حمزة لازم يعرف
$أرجوكِ يا حنين …كده حمزة هيبعد عنى عشان خايف عليا و انا مش هقدر
دخلت أوضتى لقيته بيلبس هدومه فبدأت ألبسه الجاكيت و وقفت وراه فى المرايه اللى كانت بتورينى فرق الطول الشاسع بينا و قد
اى انا ضئيلة
-ها يا حبيبتى سرحانة فين
=حبيبتك…انا بجد حبيبتك …حمزة انا الكلمة دى ما بتسمعهاش ودنى الكلمة دى بتدخل جوايا عشان يسمعها قلبى
باس إيدى و بصلى-أسف …على كل لحظة سيبتك تتعذبى عشانى …فضلت ناس تانية عليكى.
كان يقصد فاتن و لسة هيمشى فمسكت إيده=فاتن فى الأول و الأخر مراتك و كنت بتحبها
-أيديكى قولتى كنت
=و لسة و هتفضل …انا عارفة ده
-و مين قالك؟؟
=اللى بيحب عينه بتشوف اللى بيحبه و تقدر تعرف مشاعره ليها ولا لغيرها
-و فاتن قدرت حبى ده؟؟
=هى ندمت يا حمزة …سامحها يا حمزة ممكن ما يكونش للعمر بقيه محدش عارف إمتى الفراق