مراد وقف وقال بجمود : وانا طول عمرى بسمع كلام حضرتك بس دلوقتي لاء
مدحت وقف وقال : انت بتتحدانى ياولد
مراد : افهمها زي ماتفهمها انا مش لعبه فى ايد حضرتك
مدحت بصله بغضب وقال : تمام يبقى انت ال اختارت
سابه وخرج من البيت ورزع الباب بشده
مراد وقف مكان ومسح على شعره بغضب وشاف صبا خرجت وقفت قدامه وعيطت برعشه وقالت : و والله ال هو قاله غلط انا
قاطعها مراد لما شافها بتترعش صعبت عليه شدها لحضنه وضمها بشده وقال : أهدى انا مصدقك
صبا بصتله بدموع وقالت : متسبنيش
مراد بصلها بابتسامه وقال : مش هسيبك
صبا فجأه نامت فى حضنه وهو شالها ودخلها الأوضه وقعد جنبها ومسك أيدها بحنان وقال : صدقيني مش هخلى حد يقدر يأذيكي