زين: انتي كويسه
ايناس: ايوه بس هدومي ازاي هفضل بيها كده
زين: خليكم انتوا الاتنين هنا ثواني في بيت قريب من هنا هجبلك هدوم البسيها
مشي زين وسابهم ورجع ليهم تاني كان معاه عباية بيتي لونها كحلي مشجرة باخضر
زين: امسكي دي وروحي غيري هدومك وتعالي
ايناس: وانت عايزني انا البس دي
زين: مفيش غيرها دلوقتي بدال متفضلي كده
ايناس: بس انا مش هلبس القرف ده
زين: يبقا هتفضلي كده ونروح زي ما انتي
ايناس: هغير فين
زين: امشي شوية لقدام هتلاقي بيت علي ايدك الشمال غيري هناك وتعالي
مشيت ايناس تغير هدومها وزين وقمر كانوا مستنينها عند العربية