الشقه فى الدور الرابع يا استاذ
قلتله انت مش هتطلع معايا؟
الحارس بصلى بنظره مريبه وسمعته بيقول لا مش طالع
اطلع لوحدك
جبت شنطتى من القهوه بسرعه وطلعت على الشقه، اسبوع وانا بلف فى الشوارع لما ضهرى اتكسر
اخيرا هناك على سرير واشبع نوم
فتحت الشقه إلى كانت نضيفه بتبرق، رميت شنطتى على الأرض وسمعت صوت آنه، صرخه ضعيفه مكتومه تكاد تكون مش مسموعه
وقفت فى مكانى لحظه مصدوم، انا رميت الشنطه بغباء على الكنبه ودا عمل الصوت ده
رفعت الحقيبه كان تحتها دميه صغيره